CNN Trampın Rusiya ilə əlaqələri haqqında məqalə yazan üç jurnalisti işdən azad edib

CNN Trampın Rusiya ilə əlaqələri haqqında məqalə yazan üç jurnalisti işdən azad edib
11:22 27 İyun 2017
39 Ölkə
Ölkə mətbuatı
A- A+

Bakı. 27 iyun. REPORT.AZ/ CNN telekanalı Rusiya ilə bağlı dərc edilən, ardından redaksiya standartlarına uyğunsuzluğuna görə, saytdan silinən materiala görə üç jurnalisti işdən azad edib.
"Report" xəbər verir ki, bu barədə CNN-in saytında deyilir.
Məlumata görə, araşdırma şöbəsinin icraçı redaktoru Tomas Frenk, araşdırma şöbəsinin redaktoru Erik Liçtblau və bu şöbəyə nəzarət edən Leks Heris istefa verib. "Məqalənin "CNN.com" saytından silinməsinin ardından CNN materialın dərc ilə əlaqəli əməkdaşlarından istefa ərizələrini qəbul edib" - telekanalının rəsmi nümayəndəsi bildirib.
Telekanal daxilində aparılan araşdırma zamanı məqalənin nəşri zamanı redaksiya prosesi qaydalarına əməl edilmədiyi aşkar edilib. 
Konqresin guya Rusiya Birbaşa İnvestisiyalar Fondunun (RBİF) prezident Donald Trampın administrasiyası ilə əlaqələrini araşdırmasından bəhs edən məqalədə bir anonim mənbənin fikirləri yer alıb.
"Belə məsələlər CNN-də bir neçə daxili şöbə tərəfindən yoxlanılır, sonra dərc olunur. Redaksiya prosesindəki nasazlıq CNN rəhbərliyini narahat edib", - telekanaldan bildiriblər.
Qeyd edək ki, iyunun 22-də CNN-in saytında ABŞ prezidentinin biznes ilə əməkdaşlıq üzrə keçmiş müşaviri Entoni Skaramuççinin D.Trampın inauqurasiya mərsimindən cəmi 4 gün öncə RBİF rəhbəri Kirill Dmitriyev ilə görüşü barədə bəhs edən məqalə dərc edilib. Telekanal Konqresin də bu məsələ ilə maraqlandığını qeyd edib.
Amma yekunda CNN Skaramuççidən üzr istəyərək məqaləni saytdan silib.

Xəbərin orijinal ünvanı: https://report.az/media/cnn-trampin-rusiya-ile-elaqeleri-haqqinda-meqale-yazan-uc-jurnalisti-isden-azad-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR