"Qəbələ" heyətinə yeni müdafiəçi qatmağa hazırlaşır. Fanat.Az-a klubdan verilən məlumata görə son klubu Almaniyanın 2-ci Bundesliqa təmsilçisi "Nürnberq" olan Deyv Bülthöys hazırda Avstriyada - Azərbaycan təmsilçisinin düşərgəsindədi.
187 santimetr boya malik hollandiyalı arxa xətt oyunçusuyla yaxın günlərdə müqavilə bağlanacağı gözlənilir. 1990-cı il doğumlu Bülthöys Almaniya klubuna 2014-cü ildə yetirməsi olduğu "Utrext"dən gedib.
O, son mövsümdə "Nürnberq"in heyətində 23 matça çıxıb, 1 qol və 1 məhsuldar ötürməylə yadda qalıb.
Fanat.Az