Ukraynadan başlayan kiber hücum dalğası artıq bütün dünyaya yayılıb.
Metbuat.az "The Independent"ə istinadən xəbər verir ki, Ukrayna ilə yanaşı, İspaniya, Hindistan, Fransa, Rusiya və Böyük Britaniyadakı kompyuter şəbəkələri hakerlərin hücumuna məruz qalıblar.
Kiber təhlükəsizlik mütəxəssislərinin fikrincə, yeni kiber hücum "WannaCry" virusuna bənzər formada yayılır.
Qeyd edək ki, haker hücumundan bəzi infrastruktur obyektləri də zərər görüblər. Onların sırasında Danimarkanın gəmiçilik şirkəti "Maersk" və Böyük Britaniyaya məxsus WPP reklam agentliyi də var.
