"Qarabağ" yay hazırlıqlarını davam etdirir.
Milli.Az apasport.az-a istinadən xəbər verir ki, ağdamlılar Avstriyadakı təlim-məşq toplanışında bu gün növbəti hazırlıq matçına çıxacaq.
Qurban Qurbanovun yetirmələri Moskva "Dinamo"su ilə üz-üzə gələcək. Bu, təmsilçimizin 3-cü sınaq matçı olacaq.
Çempionlar Liqasına II təsnifat mərhələsindən start verəcək Azərbaycan çempionu iyulun 11-də qarşılaşacağı "Samtredia" ilə oyuna qədər daha bir yoxlama matçı keçirməyi planlaşdırır. Ancaq hələlik rəqibin kimliyi dəqiqləşməyib.
Qeyd edək ki, Ağdam klubu ilk iki hazırlıq matçında Rusiya Premyer Liqa təmsilçisi "Axmat"a 0:1, Bolqarıstan MOİK-inə isə 2:5 hesabı ilə məğlub olub.
Yoxlama oyunu
20:00. "Qarabağ" - "Dinamo"
Avstriya, Kössen
Milli.Az
Digər maraqlı xəbərlər Milli.Az-ın Facebook səhifəsində