“Qətər böhranına oxşar vəziyyət bir neçə il öncə də
yaşandı, lakin iki ay sonra ərəblər barışdılar. Bu dəfə vəziyyət
bir qədər ciddi görünür. Qətər cırtdan dövlətdir və o, hamı ilə,
İran, Səudiyyə Ərəbistanı və digərləri ilə yaxşı münasibətləri
dəstəkləyir. Sadəcə olaraq, indiki əmir lovğalandı ki, o, ərəb
dünyasının taleyini idarə edə bilər. Qətər böhranı bu ölkənin təkcə
İran və “Müsəlman qardaşları”nı dəstəkləməsindən qaynaqlanmır.
Qətər əmiri özünə başqa problemlər də yaratdı”.
Publika.az xəbər verir ki, bu barədə İsrail
kəşfiyyatının (MOSSAD) keçmiş əməkdaşı, şərqşünas-politoloq
Aleksandr Qrinberq “Jewish” saytına müsahibəsində deyib.
Onun sözlərinə görə, Birləşmiş Ərəb Əmirliyi və Səudiyyə Ərəbistan
Qətərin dəstəklədiyi “Müsəlman qardaşları”ndan qorxur: “Hər şeydən
öncə, “Müsəlman qardaşları” Səudiyyənin dini inhisarçılığına qarşı
təhlükədir. Qətər böhranın əsl səbəbi heç də terroru dəstəkləmək və
bu ölkənin atdığı addımlar deyil. Səudiyyə Ərəbistanı İslam
krallığıdır. Bu ölkədə şahzadələr heç də mömin həyatı yaşamırlar,
lakin dini elitanın dəstəyi onlara lazımdır. Şahzadələr dini
elitaya dini inhisara almağa icazə verirlər. “Müsəlman qardaşları”
da məhz dini inhisarçılığı pozur”.
A. Qrinberq Qətər böhranının İsrailə sərf edib-etmədiyini də şərh
edib.
“Xoşbəxtəlikdən Qətərin kötəklənməsi həqiqətən də İsrailin əlinə
oynayır. Əlbəttə, biz özümüzü ağıllı aparacaq, kənarda dayanacaq və
nəticələri gözləyəcəyik. Hazırda Səudiyyə Ərəbistanı və Birləşmiş
Ərəb Əmirliklərinin hədəfi İsrailin maraqları ilə uyğun gəlir: bu
İranın və xüsusilə Avropada “Müsəlman qardaşları”nın
cilovlanmasıdır. Bununla belə Qətəri İsrailin düşməni etmək də
lazım deyil. Qətər Fars körfəzində İsraillə ilk münasibət quran
ölkədir. Sonradan bu münasibətlər kəsildi, lakin indi qeyri-formal
əlaqələr qalır”, - deyə o bildirib.
Asif
