Argentinanın futbol əfsanəsi Diyeqo Maradonanın "Napoli" qarşısında xidmətlərini də unutmurlar.
Milli.Az goal.az-a istinadən xəbər verir ki, ona "Neapol şəhərinin fəxri sakini " adı təqdim olunacaq. Bu münasibətlə şəhərin mərkəzində yerləşən Pyazza-del-Plebşito meydanında təntənəli mərasim təşkil olunacaq. Tədbirin iyulun 5-də baş tutacağı dəqiqləşib.
Maradona 1984-91-ci illərdə "Napoli"nin şərəfini qoruyub. O, bu klubda 259 oyuna çıxıb və 115 qol vurub. Sabiq hücumçu Neapol klubu ilə 2 qat İtaliya çempionu, UEFA kuboku və İtaliya Superkubokunun qalibi olub.
Milli.Az
