Sosial şəbəkələrdə yayılan video hamının təəccübünə səbəb olub.
APA TV-nin məlumatına görə, görüntülər Böyük Britaniyanın Redinq şəhərində təhlükəsizlik kamerası ilə çəkilib.
Videodan görünür ki, yüksək sürətlə hərəkət edən avtobus səkidə yeriyən kişini vurur. Bir neçə metr kənara düşən piyada qəfildən ayağa qalxır və yaxınlıqdakı pivəxanaya girir.
Sonradan məlum olub ki, qeyri-adi hərəkəti ilə hamını təəccübləndirən piyada 53 yaşlı Saymon Smitdir. O, yol qəzasından yüngül xəsarətlərlə qurtulub.