İyunun 1-dən Suriyanın Rakka şəhərinin İŞİD terror qruplaşmasından azad edilməsi məqsədilə keçirilən hava və quru hücumları zamanı 173 dinc sakin həlak olub.
Milli.Az "Report"a istinadən bildirir ki, bununla bağlı BMT-nin İnsan Hüquqları üzə Ali komissarının İdarəsinin bəyanatında bildirilir.
"BMT-nin İnsan Hüquqları üzə Ali komissarının İdarəsinin məlumatına görə, iyunun 1-dən 173 mülki sakin hava və yer zərbələrinin qurbanı olub. Bu, təxmini qiymətləndirmədir və ölənlərin real sayı xeyli yüksək ola bilər" - deyə bəyanatda bildirilir.
İdarədən qeyd ediblər ki, dinc sakinlərin şəhərdən çıxışı yolları bağlıdır. Çoxları qaçaqmalçılara, o cümlədən İŞİD üzvlərinə Rakkanı tərk etmək üçün pul ödəyirlər. Kim ki qaçmağa müvəffəq olur, çarpaz atəş altına və minaya düşmək riski ilə üzləşir.
Milli.Az
Digər maraqlı xəbərlər Milli.Az-ın Facebook səhifəsində