Bakı. 29 iyun. REPORT.AZ/ ABŞ senatorları Kasperski antivirusundan hərbi məqsədlər üçün istifadə olunmasına qadağa qoyulmasını tələb edib.
"Report" "Reuters"ə istinadən xəbər verir ki, müvafiq dəyişikliklər edilməsi təklifini Demokratlar Partiyasından olan senator Cin Şahin irəli sürüb. O, şirkət və Kreml arasındakı əlaqələrin çox narahatedici olduğunu bildirib.
Senatorlar və ABŞ administrasiyasının nümayəndələri bəyan ediblər ki, bu şirkətə kritik infrastrukturun, xüsusən də ölkənin təhlükəsizliyi üçün vacib olan kompüter sistemlərinin qorunması etibar edilə bilməz.
