Bakı. 29 iyun. REPORT.AZ/ Futzal üzrə Azərbaycan milli komandasına yeni baş məşqçi təyin olunub. "Report"un AFFA-nın rəsmi saytına istinadən verdiyi məlumata görə, bu vəzifə yenidən Joze Alesio Da Silvaya həvalə olunub.
Braziliyalı mütəxəssis həmyerlisi Biro Jadeni əvəzləyib.
Qeyd edək ki, Joze Alesio da Silva 2009 - 2014-cü illərdə də Azərbaycan millisinə rəhbərlik edib. O, 2008/2009 mövsümündə “Araz Naxçıvan”ın da baş məşqçisi olub.
