“Rusiya və Çin ABŞ-ın təsirini zəiflətməyə çalışır”.
Publika.az “Assoşieyted Press” agentliyinə istinadən xəbər verir ki, bu haqda ABŞ Müdafiə Nazirliyinin kəşfiyyat idarəsinin (RUMO) başçısı Stüart Vinsentin məruzəsində deyilir.
“Moskva və Pekin ABŞ-ın dünyadakı təsirini zəiflətmək üçün ümumi marağlara malikdir. Onlar bunun üçün fəal əməkdaşlıq edirlər. Ölkələr arasında hərbi əməkdaşlıq iqtisadi əlqələr kimi yavaş-yavaş genişlənir”, - sənəddə bildirilir.
Sənəddə qeyd edilir ki, Rusiya Moskvanın Çinin “kiçik partnyor” olması ehtimalından narahatdır.
“Bəziləri şübhələnməyə davam edirlər ki, uzunmüddətli perspektivdə Çin yenidən Rusiya üçün hərbi təhlükə olacaq”, - məruzədə deyilir.
Sənəd gələn həftə dərc edilməlidir. Amma o “Assoşieyted Press”in əlinə keçib. “Rusiyanın hərbi gücü” adlanan məruzə son 20 il ərzində RUMO-nun məxfilikdən çıxardığı ilk sənəddir.
Ömər
