Havaların isinməsi ilə
əlaqədar çimərliyə üz tutanların sayı artıb. Sərinləmək üçün getdiyimiz çimərliklər
sağlamlığımıza ziyan vura bilər. Bəs, hansı çimərliklərə getməli, hansılardan
uzaq durmalıyıq?
“Monitorinqin nəticələrinə əsasən çimmək qadağan edilən çimərliklər siyahısına Qaradağ
rayonunun Sahil qəsəbəsindəki çimərlik və Şıx çimərlikləri düşüb”.
Bunu Metbuat.az-a açıqlamasında Gigiyena və Epidemiologiya Mərkəzinin şöbə müdiri Ziyəddin Kazımov deyib: “Səbail rayonunun Şıx çimərliyi ərazisi, eyni zamanda Qaradağ rayonunun Sahil qəsəbəsinin çimərlik ərazilərində) bu il də mikrobioloji baxımdan çirklənmə qeydə alınıb. Bu çimərliklərdə vətəndaşlara çimməməyi məsləhət görürük. Çünki bu ərazilərdə çirkab sularının təmizləmə qurğuları olmadığına görə, bu sular birbaşa dənizə axıdılır. Nəticədə isə həmin ərazilərdə çimmək insan səhhəti üçün təhlükə yaradır”.
Ziyəddin Kazımov əlavə edib ki, Sabunçu, Suraxanı, Binəqədi
və Xəzər rayonu ərazisindəki çimərliklərdən vətəndaşlarımız rahatlıqla istifadə
edə bilər. “Həmin çimərliklərdə hər 15 gündən bir dəniz suyunun labarator nümunələrini
götürürük. İlkin müayinələrin nəticələri ilə götürdüyümüz müayinələrin nəticələri
üst-üstə düşür. Vətəndaşların həmin çimərliklərdə çimməsi məqsədəuyğun hesab
edilir”.
Aysel Yaqubqızı / Metbuat.az
(Su hovuzlarından istifadə qaydaları)
(Özəl çimərliklərdə bir günlük istirahət neçəyə başa gəlir? - VİDEO)
