Hədiyyəlik əşya və xatirə pul kimi xarakterizə edilən 0 avrolar dövriyyəyə buraxılıb.
Publika.az xəbər verir ki, Avropa Mərkəzi Bankından alınan xüsusi razılıqla Almaniyada 5 min ədəd 0 avroluq əsginas dövriyyəyə buraxılıb.
Alman mətbuatında yer alan xəbərə görə, əsginasların satış qiyməti isə 2,5 avro təşkil edir.
0 avro əsl avrolar ilə eyni standartlarda və eyni keyfiyyətli kağızlarda, lakin oxşar holoqramlardan istifadə edilərək istehsal edilib.
Pulların üzərində hədiyyə və xatirə üçün istehsal ediliyi qeyd edilib. Həmçinin 1958-ci ildə Alman donanmasının gəmilərindən biri olan "Gorch Fock II"-nin rəsmi həkk olunub.
Könül Cəfərli