İyunun 21-də Qusar rayonu Əniq kəndində evi yanan Qızbacı Osmanovaya yardım edilib. Lent.az xəbər verir ki, Əniq kənd sakinləri çətin durumda qalan Osmanovlar ailəsinin üzləşdiyi problemin aradan qaldırılmasına köməklik göstərilməsi üçün Qusar rayon Polis Şöbəsinin Şahdağ Polis Bölməsinə müraciət ediblər. Bölmə rəisi, polis mayoru Səbuhi Rüstəmov vətəndaşlarla görüşərkən onların xahişini nəzərə alaraq, Qızbacı Osmanovanın evinin yenidən təmir olunmasına yardım edəcəyinə söz verib. Artıq yanan evdə təmir işlərinə başlanılıb və yaxın günlərdə Osmanovlar ailəsi təmir olunmuş evlərində yaşaya biləcəklər.
Qeyd edək ki, məlum hadisə vaxtı Q.Osmanova və 3 nəvəsi evdən son anda xilas edilmişdi.