Azərbaycana sükan mexanizmində qüsurlar olan "Mercedes-Benz" avtomobilləri gətirilməyib.
Milli.Az bildirir ki, bunu Trend-ə "Daimler AG" şirkətinin "Mercedes" avtomobilləri üzrə baş nümayəndəliyi "AvtoKapital Azərbaycan" MMC-dən məlumat verilib.
Məlumatda bildirilir ki, sifarişlərdən asılı olaraq hər ölkəyə müxtəlif partiya avtomobillər tədarük edilir:
"Azərbaycana bu partiyalardan avtomobil gətirilməyib, ona görə də "Mercedes" markalı avtomobillərin geri çağırılması gözlənilmir".
Qeyd edək ki, "Mercedes-Benz" şirkəti sükan mexanizmində qeydə alınan qüsurlarla əlaqədar Rusiyadan 3500-ə yaxın avtomobili geri çağırıb.
Geri çağırılma 2012-ci ildə satılan C sinif və 2013-14-cü illərdə satılan G sinif avtomobillərə şamil olunur.
Milli.Az
Digər maraqlı xəbərlər Milli.Az-ın Facebook səhifəsində