Azərbaycan, Bakı, 8 yanvar /Trend, müxbir İlkin İzzət/
Bakıda mənzildə yanmış zibillərin arasından meyit tapılıb.
Trend Fövqəladə Hallar Nazirliyinin (FHN) rəsmi saytına istinadən xəbər verir ki, Bakı şəhəri, Yasamal rayonunda sökülmüş evin otağında 1 kv.m sahədə məişət tullantıları yanıb. Yanğın söndürüldükdən sonra otaqda 1 nəfərin yanmış cəsədi aşkar edilib.
Tikilinin qalan hissəsi yanğından mühafizə olunub. Yanğın saat 12:18-də yanğınsöndürənlər tərəfindən söndürülüb.
Məqalə müəllifi ilə əlaqə ünvanı: agency@trend.az