"Bala Dili" jurnalının kollektivi Buzovna qəsəbəsindəki 8 saylı internat məktəbdə olub.
ANS PRESS-in məlumatına görə, "Uşaqları sevindirək" layihəsi çərçivəsində keçirilən görüş "Azercell" şirkətinin dəstəyi ilə baş tutub.
Tədbirdə jurnalın əməkdaşları valideyn himayəsindən məhrum olan uşaqlara yeni - 2015-ci ilin ilk sayı olan "Bala Dili" jurnallarını hədiyyə edib.
Xatırladaq ki, ANS Şirkətlər Qrupuna məxsus olan “Bala Dili” jurjnalı 10 ildir ki, çap olunur. 2014-cü ildən başlayaraq, “Azercell”in təşəbbüsü və dəstəyi ilə jurnalın hər yeni sayı uşaq evlərinin və internat məktəblərinin sakinlərinə hədiyyə olunur.
