Azərbaycan, Bakı, 8 yanvar /Trend/
Kompleks Qazma İşləri Tresti “Pirallahı adası-quru” və ”Çahandar-Zarat” yataqlarında 2 yeni quyuda qazma işlərinə başlayıb.
Trend ARDNŞ-nin saytına istinadən məlumat verir ki, “Abşeronneft” NQÇİ-nin sifarişi ilə “Pirallahı adası-quru” yatağında Qirməki Altı Lay Dəstəsinə qazılan 1179 nömrəli quyunun layihə dərinliyi 910 metrdir.
“Siyəzənneft” NQÇİ-nin sifarişi ilə ”Çahandar-Zarat” yatağında Maykop Lay Dəstəsinə qazılan 1787 nömrəli quyunun layihə dərinliyi isə 1250 metrdir.
Geoloqların hesablamalarına əsasən, quyuların hər birindən sutkada 4 ton neft hasil ediləcəyi nəzərdə tutulur.
Məqalə müəllifi ilə əlaqə ünvanı: agency@trend.az
