“Maraqlısı budur ki, hamı yaşıma təəccüb edir. Hamı elə bilir ki, yaşım daha çoxdur. Otuz yaşımı özüm də qorxunc şəkildə təsəvvür edirdim”.
Publika.az xəbər verir ki, bu sözləri bu gün 33 yaşını qeyd edən “Elektronik sevdalar", "Mustafa", "Polis qorxusuyla öpüşmək", "Doqquz hekayə", "Fələk qırmancı" kitablarının müəllifi və tanınmış jurnalist Qan Turalı Cəfərov deyib.
Yaçının sözlərinə görə, daha qocalmaq onu qorxutmur: “Bir dəfə doğum günümü tək-tənha bir bar masasında özüm üçün qeyd elədim. Və ondan sonra hər şey elə sadə gəldi ki... Keçmiş üçün heç darıxmıram. Düşünürəm ki, başa çatıb hər şey, üzülməyə dəyməz. Elə gələcək üçün də. Biz əslində indidə yaşayırıq. İndi gözəldir. Gələcək də gözəl görünür. İndicə yeni bir filmin təməllərini atdıq. Həyat gözəldir...”.
Aytən