"Şerif"in prezidentinin şirkətində "dövlətə xəyanət" maddəsi ilə axtarış

"Şerif"in prezidentinin şirkətində "dövlətə xəyanət" maddəsi ilə axtarış
16:22 20 İyul 2017
18 Dünya
Ölkə mətbuatı
A- A+

Futbol üzrə Çempionlar Liqasının III təsnifat mərhələsində "Qarabağ" komandasının rəqibi olan Moldova "Şerif"inin prezidenti Viktor Quşan Ukraynanın "İntertelekom" şirkətinin səhmdarları sırasından çıxıb.

Milli.Az report-a istinadən xəbər verir ki, tanınmamış Dnestryanı Respublikasından olan oliqarx Ukrayna Təhlükəsizlik Xidməti (UTX) əməkdaşlarının şirkətin Odessa şəhərindəki ofisində axtarış aparmasından sonra belə bir addım atıb. "Şerif" Şirkətlər Qrupunun sahibi olan iş adamı UTX-nin "dövlətə xəyanət" maddəsi ilə araşdırmalara başlaması ilə əlaqədar bu cür qərar verib.
V.Quşan "İntertelekom"un ona məxsus səhmlərini (35,5 faiz) şirkətin təhlükəsizlik xidmətinin rəhbəri Viktor Ukrayntsa təhvil verib. Həmçinin, Odessa şirkətinin baş direktoru Boris Akulov vəzifəsindən gedib və onu Viktor Panfilov əvəzləyib.

UTX əməkdaşları "İntertelekom"u öz avadanlığı və şəbəkəsini Krımın Rusiyaya ilhaq edilmiş hissəsinə istifadəyə verməkdə şübhəli bilirlər. Sözügedən şirkətin köməyi ilə Rusiya xüsusi xidmət orqanları əməkdaşlarının Ukrayna rabitə operatorlarının işinə qanunsuz müdaxiləyə yol verdikləri və ukraynalıların fərdi məlumatlarına çıxış əldə etdikləri güman olunur.

Qeyd edək ki, "Qarabağ"la "Şerif" arasında ilk oyun iyulun 25-də Bakıda, cavab matçı isə avqustun 1-də Tiraspolda keçiriləcək.

Milli.Az


Xəbərin orijinal ünvanı: https://news.milli.az/world/565143.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR