Arzu Rəhimov Ucarda vətəndaşları qəbul edib

Arzu Rəhimov Ucarda vətəndaşları qəbul edib
18:07 20 İyul 2017
51 Ölkə
Ölkə mətbuatı
A- A+

Ucar. 20 iyul. REPORT.AZ/ Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov Ucar rayonunda Zərdab, Göyçay, Ağdaş, Yevlax, Bərdə və Tərtər rayonlarından olan 30-a yaxın vətəndaşı qəbul edib.
"Report"un Şirvan bürosunun məlumatına görə, qəbuldan əvvəl general-leytenant Arzu Rəhimov və Ucar Rayon İcra Hakimiyyətinin başçısının müavini Əliş Cəbrayılov ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad edib.
Qəbula gələn vətəndaşların müraciətləri əsasən, veteran adı və vəsiqəsinin verilməsi, müddətli həqiqi hərbi xidmətə çağırılan gənclərin ailə vəziyyəti ilə əlaqədar daha yaxın hərbi hissələrdə xidmət göstərmələri, qurumun müvafiq şöbə və bölmələrində işə və ya həqiqi hərbi xidmətə qəbul və digər məsələlərlə bağlı olub.
General-leytenant Arzu Rəhimov hər bir vətəndaşın müraciətini diqqətlə araşdırıb və qaldırılan məsələlərin mövcud qanunvericiliyin tələblərinə uyğun həlli barədə müvafiq strukturların rəhbərlərinə tapşırıqlar verib. Qəbul zamanı qaldırılan məsələlərin bir çoxu operativ surətdə yerindəcə həll edilib.
Səfərbərlik və Hərbi Xidmətə Çağırış üzrə Dövlət Xidmətinin səlahiyyətlərinə aid olmayan məsələlərlə bağlı müraciətlər isə qeydə alınaraq aidiyyəti orqanlara çatdırılmaq üçün nəzarətə götürülüb.









Xəbərin orijinal ünvanı: https://report.az/daxili-siyaset/arzu-rehimov-ucarda-vetendaslari-qebul-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR