"PSJ"-nin baş məşqçisi Unai Emeri "Barselona"nın futbolçusu Neymarı transfer etmək istədiklərini açıqlayıb.
Milli.Az qol.az-a istinadən xəbər verir ki, bu barədə "L equipe"yə açıqlama verən 45 yaşlı çalışdırıcı braziliyalı hücumçunun dünyanın ən yaxşı 5 futbolçusundan biri olduğunu söyləyib:
"PSJ dünyanın ən yaxşı klublarında oynayan, ən güclü futbolçuları heyətinə qatmaq istəyir. Əgər Çempionlar Liqasını qazanmaq istəyiriksə, dünyanın ən yaxşı 5 futbolçusundan birini transfer etməliyik. Neymar belə futbolçulardandır. Ona ehtiyacımız var. Ancaq bu, asan deyil. Ola da bilər, olmaya da".
Qeyd edək ki, bir müddət əvvəl PSJ-nin Neymar üçün 222 milyon avro ödəməyə hazır olduğu bildirilirdi. Kataloniya klubunun vitse-prezidenti Xordi Mestre isə Neymarın "Barselona"dan ayrılmayacağını açıqlayıb.
Milli.Az
Digər maraqlı xəbərlər Milli.Az-ın Facebook səhifəsində
