Bakı. 20 iyul. REPORT.AZ/ "Zirə" komandası Avropa Liqasında mübarizəni dayandırıb.
"Report"un məlumatına görə, II təsnifat mərhələsinin Rumıniyada keçirilən ilk oyununda "Astra"ya 1:3 hesabı ilə uduzan Azərbaycan təmsilçisi Bakıda baş tutan cavab qarşılaşmasında lazımı nəticəni təmin edə bilməyib.
Ayxan Abbasovun rəhbərlik etdiyi kollektiv rəqibin müqavimətini qırmağa müvəffəq olmayıb - 0:0.
Qeyd edək ki, "Zirə" I təsnifat mərhələsində Lüksemburq "Differdanj"ını mübarizədən kənarlaşdırıb.
Avropa Liqası,
II təsnifat mərhələsi, cavab oyunu
"Zirə (Azərbaycan) - "Astra" (Rumıniya) 0:0
Baş hakim: Georgi Vadaçkoriya
Yan xətt hakimləri: Zaza Menteşaşvili, Georgi Elikaşvili
Dördüncü hakim: Qoqa Kikaçeişvili (hamısı Gürcüstan)
UEFA nümayəndəsi: Tarqo Kaldoya (Estoniya)
Hakim-inspektor: Sergey Zuyev (Rusiya)
Bakı, "Dalğa Arena"
İlk oyun - 1:3