Bakı. 21 iyul. REPORT.AZ/ Bakı şəhərinin Yusif Səfərov küçəsində yerləşən Şah İsmayıl Xətainin heykəlinin yeri dəyişdiriləcək.
"Report" xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Mais Ağayev məlumat verib.
Onun sözlərinə görə, Yollarının Optimallaşdırılması Layihəsinin təsdiq edilməsi heykəlin yerinin köçürülməsini zəruri edəcək: "Müvafiq qurumların razılığı ilə heykəl məqsədəuyğun yerdə yerləşdiriləcək".
