Yağan qar magistral yollarda avtomobillərin hərəkətinə problemlər yaradıb. Bəzi istiqamətlərdə qar səbəbindən gediş-gəliş çətinləşib.
Milli.Az Kanal S-ə (Region TV) istinadən xəbər verir ki, bəzi avtomobillər yolda qalıb, bəzi sürücülər isə alternativ yollardan istifadə etmək məcburiyyətində qalıblar. Ağsu dolayları və Muğanlı-İsmayıllı yolunda problem daha qabarıq şəkildə özünü göstərir. Şamaxıda isə qarın hündürlüyü 20 sm-ə çatıb. Digər tərəfdən güclü külək bəzi yolların qismən buz bağlamasına səbəb olub.
Sürücülər çətin anlar yaşayıb. Bakı-Şamaxı yolunun qardan təmizlənməsi üçün müvafiq qurumlar hərəkətə keçiblər. Çoxlu sayda işçi qüvvəsi və texnika əraziyə cəlb olunub. Bir çox ərazilərdə nəqliyyatın hərəkəti bərpa edilib.
Hazırda Bakı-Şamaxı yolu işlək vəziyyətdədir. Axşam saatlarında isə yolların buz bağlayacağı ehtimal olunur. Bu səbəbdən sürücülərə adıçəkilən istiqamətlərdən mümkün qədər az istifadə etmək tövsiyə olunur.
Milli.Az
Milli.Az Kanal S-ə (Region TV) istinadən xəbər verir ki, bəzi avtomobillər yolda qalıb, bəzi sürücülər isə alternativ yollardan istifadə etmək məcburiyyətində qalıblar. Ağsu dolayları və Muğanlı-İsmayıllı yolunda problem daha qabarıq şəkildə özünü göstərir. Şamaxıda isə qarın hündürlüyü 20 sm-ə çatıb. Digər tərəfdən güclü külək bəzi yolların qismən buz bağlamasına səbəb olub.
Sürücülər çətin anlar yaşayıb. Bakı-Şamaxı yolunun qardan təmizlənməsi üçün müvafiq qurumlar hərəkətə keçiblər. Çoxlu sayda işçi qüvvəsi və texnika əraziyə cəlb olunub. Bir çox ərazilərdə nəqliyyatın hərəkəti bərpa edilib.
Hazırda Bakı-Şamaxı yolu işlək vəziyyətdədir. Axşam saatlarında isə yolların buz bağlayacağı ehtimal olunur. Bu səbəbdən sürücülərə adıçəkilən istiqamətlərdən mümkün qədər az istifadə etmək tövsiyə olunur.
Milli.Az