Bakı. 21 iyul. REPORT.AZ/ Ermənistan hüquq-mühafizə orqanları "AYQ" ("АЙГ") Psixoloji Xidmət Mərkəzinin direktoru Ruben Poqosyanı öldürməkdə şübhəli bilinən şəxsi saxlayıb.
"Report" "Sputnik-Армения"ya istinadən xəbər verir ki, saxlanılan şəxs onun pasiyenti olmuş 1983-cü il təvəllüdlü A.Ambartsumyandır.
Qeyd edək ki, iyulun 17-də "AYQ" Psixoloji Xidmət Mərkəzinin direktoru Ruben Poqosyan kəsilmiş-deşilmiş yaralar və güclü qanaxma ilə xəstəxanaya çatdırılıb. Həkimlər onun həyatını xilas edə bilməyiblər. İyulun 19-da R.Poqosyan vəfat edib.
İstintaqın ehtimallarına görə, növbəti dəfə psixoloqun qəbuluna gələn A.Ambartsumyan "AYQ" mərkəzinin bağçasında R.Poqosyana kağız kəsmək üçün istifadə edilən bıçaqla bir neçə zərbə endirib.
