Tacikistan DİN-dən 3 əməkdaş ikili vətəndaşlığı olduğu üçün, 14 nəfər isə artıq çəkiyə görə işdən azad edilib.
Milli.Az Trend-ə istinadən bildirir ki, ölkə qanunvericiliyinə uyğun olaraq ikili vətəndaşlığı olan şəxslər hüquq-mühafzə orqanlarında, güc strukturlarında, bəzi dövlət qulluğunda çalışa bilməz.
Tacikistan DİN-dən verilən məlumata görə, həmin şəxslər Tacikistan vətəndaşı olmaqla yanaşı, Rusiya vətəndaşları da olublar.
Artıq çəkiyə görə DİN-dən azad edilən əməkdaşlarla yanaşı, 21 milis işçisi də işdən azad edilib.
Məlumatda qeyd olunur ki, artıq çəkiyə görə hüquq-mühafizə orqanlarından azad edilən işçilər müvafiq çəkiyə uyğun arıqlasalar, yenidən işə bərpa olunacaqlar. Tacikistanda milis işçiləri üçün boy və çəki standartları 168-170 sm və 75 kiloqrama qədə çəkidir.
Milli.Az
Digər maraqlı xəbərlər Milli.Az-ın Facebook səhifəsində
