Aya ilk ayaq basan insan Amerikalı kosmonavt Nil Armstronqun çantası 1.8 milyon dollar satılıb.
Publika.az xəbər verir ki, çantanın bu qədər
baha satılması səbəbsiz deyil. Çünki N.Armstronq həmin çantaya Ay
üzərindən topladıqlarını yığıb.
Çanta 1969-cu ildə Honson muzeyindən itib. Uzun illər
tapılmayıb.
Sonradan məlum olub ki, 2014-cü ilə qədər çanta Kanzasdakı bir muzeyin müdiri tərəfindən gizlədilib. Hətta qadın buna görə həbs edilmişdi. Bu çanta üç dəfə satışa çıxarılıb. Lakin hər dəfə saxta olduğu fikirlərinə görə satılmayıb. Onu sonuncu dəfə 2015-ci ildə 995 dollara bir vəkil alıb.
Nanci Le Karlson adlı vəkil çantanı NASA-ya verərək həqiqiliyinin təsdiq edilməsini istəyib. Testlər nəticəsində çantanın içində hələ də, Ay tozunun olduğu üçün NASA çantanı geri qaytarmayıb.
Uzun müzakirələrdən sonra çanta yenidən satışa çıxarılıb. 1.8 milyon dollar satılsa da, onu alanın adı açıqlanmır. Aydakı toz və daşları Yerə gətirən ilk çanta muzeydə satılan ən bahalı əşya statusunu aldı.