ABŞ-ın Texas ştatının hakimi meksikalı narkotik karteli liderinə 30 il həbs cəzası verib.
Metbuat.az-ın məlumatına görə, hakim həmçinin Meksikanın Zetas kartelinin yüksək ranqlı üzvü İvan Velasqez-Kaballeronun narkotiklə əlaqəli cinayətlərə görə 10 milyon ABŞ dollar məbləğində cərimə edilməsi barədə qərarı verib.
Velasqez-Kaballero 2012-ci ildə Meksika rəsmiləri tərəfindən həbs edilərək, ABŞ məhkəməsinə çıxması üçün ekstradisiya edilib. 2014-cü ildə o, narkotik idxalı və distribusiyasına görə günahkar olduğunu etiraf edib.
Kartel liderinin həbs müddəti bitdikdən sonra Meksikaya deportasiya ediləcəyi gözlənilir.
