BMT Təhlükəsizlik Şurası iyulun 24-də Yerusəlimdəki vəziyyətlə əlaqədar təcili iclas keçirəcək.
APA-nın xəbərinə görə, bu barədə “Röyters”ə diplomatik mənbə bildirib.
Bundan əvvəl İsveç, Fransa və Misir TŞ-i Yerusəlimdəki vəziyyətlə bağlı təcili iclas keçirməyə çağırıblar.
Yerusəlimdə vəziyyət gərgin olaraq qalmaqdadır. Son iğtişaşlar zamanı 3 fələstinli ölüb, onlarla şəxs isə xəsarət alıb.
İsrail hökumətinin Əl-Aqsa məscidində yeni təhlükəsizlik qaydalarının tətbiqi fələstinlilər tərəfdən sərt qarşılanıb.