Azərbaycan, Bakı, 8 yanvar /Trend, müxbir İlkin İzzət/
İrandan Azərbaycana bağırsağında narkotik vasitə keçirmək istəyən şəxs yaxalanıb.
Dövlət Gömrük Komitəsindən (DGK) Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından piyada yolla Azərbaycan Respublikasına gələn Azərbaycan vətəndaşı Emin Qurbanovun üzərində şəxsi yoxlama aparılıb.
Yoxlama zamanı onun daxili daxili orqanından (düz bağırsağından) 3 ədəd bükümdə, ümumi xalis çəkisi 101,624 qram olan narkotik vasitə - heroin aşkar edilib.
Faktla bağlı cinayət işi başlanıb, araşdırma aparılır.
Məqalə müəllifi ilə əlaqə ünvanı: agency@trend.az
