"Hesab edirəm ki, komanda hazırda yaxşı vəziyyətdədir. Yeni futbolçuları Azərbaycana dəvət etmək, uyğunlaşdırmaq çox çətindir. Düşünmürəm ki, yaxın müddətdə yeni transfer olunsun". Fanat.Az xəbər verir ki, bu sözləri "Qarabağ"ın vitse-prezidenti Tahir Gözəl deyib.
Klubun fan-şopunun açılış mərasimində iştirak edən Tahir bəy "Şerif"lə oyunla bağlı da danışıb: "Yeni transferlərimiz ilk oyunlarda yaxşı təsir bağışladı, komandaya tez uyğunlaşdı. İnanıram ki, oyuna həmişəki ciddiyətlə yanaşsaq, mərhələ keçə bilərik. Amma bizi çox çətin oyunun gözlədiyini də deməliyəm".
Fanat.Az
