Sumqayıtda bir-birinə bitişik 8 ailənin yaşadığı mənzillər yanıb.
Milli.Az xezerxeber.az-a istinadən bildirir ki, hadisə şəhərin Kotec qəsəbəsi, 20-ci məhəllə, Maksim Qorki küçəsində qeydə alınıb. Yanğın zamanı xəsarət alan olmasa da, ev sahiblərinə külli miqdarda ziyan dəyib. Zərərçəkənlər evlərindən yalnız əşyalarının bir hissəsini çıxarmağa müvəffəq olublar. Yanğının söndürülməsi üçün 5 yanğınsöndürən maşın və canlı qüvvə cəlb olunub. Hadisə zamanı mənzildə qalan şəxslər tüstüdən boğulmaqdan son anda xilas ediliblər. Yanğının baş vermə səbəbləri aparılan araşdırmalardan sonra məlum olacaq.
Milli.Az