Ağstafada yol qəzasında 4 nəfər xəsarət alıb.
Milli.Az APA-ya istinadən xəbər verir ki, rayonun Vurğun qəsəbəsində toqquşan iki avtomobildən birində Ağstafa şəhər sakini, 1956-cı il təvəllüdlü Hüseynov Valeh, onun həyat yoldaşı, 1957-ci il təvəllüdlü Qasımova Rahilə və oğlu 1983-cü il təvəllüdlü Hüseynov Fərid olub.
Digər avtomobildə isə rayonun Həsənsu kənd sakini 1985-ci il təvəllüdlü Allahverdiyev Şakir olub.
Yaralılar Ağstafa rayon Mərkəzi xəstəxanasına yerləşdiriliblər.
Faktla bağlı Ağstafa rayon Polis Şöbəsində araşdırma aparılır.
Milli.Az
