Dünya birjalarında neft bahalaşmaqdadır.
Metbuat.az xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,07 dollar və ya 0,15% artaraq 45,84 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,11 dollar və ya 0,23% artaraq 48,17 dollar olub.
“Neftin qiymətində ciddi artım gözlənilmir”.
Bu sözləri Metbuat.az-a açıqlamasında iqtisadçı Natiq Cəfərli deyib.
“Əslində neftin qiymətində çox cüzi bir fərq yaranıb. Son zamanlar qiymətin düşməsi ilə artması bir-birini kompensasiya edir. Məsələn, 5-ci gün neftin qiymətində çox kəskin enmə müşahidə edildi. Bu isə təqribən 3% düşmə demək idi. Avropa birjaları artıq açılıb, fəaliyyətə başlayıb. Axşam isə ABŞ-da birjalar fəaliyyətə başlayacaq. O zaman neftin bu həftəlik qiyməti daha dəqiq müəyyənləşəcək. Neftin qiymətinə həftəlik və aylıq koridorda baxmaq doğrudur. Ciddi qiymət artımının olacağına hesablanmış bəzi görüşlər də özünü doğrultmadı".
| Neft yenidən bahalaşdı - SON QİYMƏT-Oxumaq üçün tıkla |
Aytən Novruzova / Metbuat.az
