Bakı. 24 iyul. REPORT.AZ/ Bu gün səhər saatlarında Bakının Yasamal rayonunun İnşaatçılar prospekti ərazisindəki yaşayış binasında yanğın baş verib.
"Report" hadisə yerindən fotoreportajı təqdim edir.
Qeyd edək ki, yanğın binanın dam örtüyündən başlayıb və hadisə yerinə 8 yanğınsöndürən maşını cəlb olunub. Havanın küləkli olması yanğını daha da gücləndirib və nəticədə binanın 240 kvadratemetr dam örtüyü yanıb. Yanğın söndürülüb və mənzillərə keçməsinin qarşısı alınıb. Yanğının naqillərdə yaranmış qısaqapanmadan baş verdiyi ehtimal edilir və hazırda araşdırmalar davam etdirilir.
