"Mən itkin düşməmişəm. Ailəmlə də əlaqəm var. Onlar hər şeyi bilir".
Milli.Az xəbər verir ki, bu sözləri qafqazinfo-ya açıqlamasında ötən həftə KİV-də itkin düşməsi barədə xəbər yayılan Bakı şəhər sakini 22 yaşlı Xanım Quliyeva deyib.
O bildirib ki, ailəsi ona zor tətbiq edib: "Çoxlu xoşagəlməz hallar olub. Mən artıq uşaq da deyiləm, özüm müstəqil yaşaya da bilərəm. Onların televiziyaya müraciət etməsində məqsəd mənim evə qayıtmağımdır. Amma mən o evə geri qayıtmayacam. Vəkilimlə də danışmışam. Boşanma ərəfəsindəyəm. Polis bu işi bilir. Oğlum da yanımdadır. Hazırda işləyirəm və ona baxıram. Ailəm bilir ki, mən itkin düşməmişəm. Onlarla və xalamla da əlaqə saxlamışam".
Qeyd edək ki, 22 yaşlı Xanım Quliyevanın itkin düşməsi ilə bağlı məlumat xəzərxəbər-də yayımlanıb.
Milli.Az
Videonu izləmək üçün şəklə klikləyin:
