"Qəbələ"nin UEFA Avropa Liqasının III təsnifat mərhələsindəki rəqibi "Panathinaikos"da heyətlə bağlı problemlər var.
Milli.Az goal.az-a istinadən xəbər verir ki, Afina klubu iyulun 27-də keçiriləcək oyunda 2 oyunçunun xidmətindən məhrum olub. Bunlar argentinalı yarımmüdafiəçi Lukas Villafanez və yenicə əməliyyat edilən Yunanıstan millisinin müdafiəçisi Giorgos Kutroubisdir. Hər iki futbolçu fərdi məşqlərlə kifayətlənir.
Komandanın kapitanı Zekanın durumu düzəlməkdədir.. Virusa yoluxan Portuqaliya əsilli yarımmüdafiəçinin vəziyyəti getdikcə yaxşılaşır. Klubun həkimləri Yunanıstan millisinin üzvünün "Qəbələ" ilə görüşdə məşqçilər korpusunun ixtiyarında olacağını açıqlayıblar. "Qəbələ" "Panathinaikos"la ilk oyununu iyulun 27-də səfərdə keçirəcək.
Milli.Az
