Pakistanın Lahor şəhərində baş verən partlayış nəticəsində azı 25 nəfər ölüb, 53 nəfər yaralanıb.
Publika.az TASS agentliyinə istinadən xəbər verir ki, motosikletlə hərəkət edən terrorçu-kamikadze özünü ərzaq bazarının girişində partladıb.
Məlumata əsasən, ərzaq bazarı Pəncab əyalətinin baş naziri Şahbaz Şərifin iqamətgahından 100 metr aralıda yerləşir.
Terror aktına görə məsuliyyəti hələ ki, heç bir qruplaşma öz üzərinə götürməyib.
