"Barselona" Braziliya millisinin üzvü Paulinyonu transfer etmək istəsə də, planı baş tutmadı. "Guangzhou Evergrande" onu buraxmaq fikrində olmadığından transfer də çətinə düşüb.
Milli.Az goal.az-a istinadən xəbər verir ki, Paulinyonun özü də katalon klubunda oynamaq arzusundadır. Bu, növbəti yay baş verə bilər. Hazırda futbolçunun agenti çinliləri yola gətirməyə çalışır.
"Barselona" indiyə kimi Quançjou təmsilçisinə 2 təklif göndərib. "Guangzhou" braziliyalı yarımmüdafiəçiyə görə 40 milyon avro tələb edir. "Barselona" isə 25 milyon avro ödəməyə hazırdır.
Milli.Az