Çempionlar Liqasının III təsnifat mərhələsinin ilk oyununda Moldova "Şerif"ini qəbul edəcək "Qarabağ" ev matçına uğurlu seriya ilə çıxacaq.
Milli.Az apasport.az-a istinadən xəbər verir ki, Ağdam təmsilçisi öz meydanında keçirdiyi görüşləri qolsuz tərk etmir.
Qurban Qurbanovun yetirmələri son 7 görüşdə rəqib qapısına yol tapıb. Doğma azarkeşlər önündə sonuncu qolsuz matç 2015/16 mövsümünə təsadüf edib.
Həmin vaxt qrup mərhələsinin "Tottenhem"lə son ev oyunu qonaqlara 1:0 hesablı qələbə qazandırıb. Bundan sonrakı 7 qarşılaşmada isə qonaqlar quru oyuna həsrət qalıb.
Ötən mövsümün 6 görüşündə 11 dəfə fərqlənən "Qarabağ" bu il "Samtredia"nı 5 qola qonaq edib. 7 görüşdəki 16 topdan 8-i Çempionlar Liqası, 8-i Avropa Liqasında vurulub. 7 oyundan 3-ü qitənin ən nüfuzlu klub turnirində baş tutub.
Milli.Az
Digər maraqlı xəbərlər Milli.Az-ın Facebook səhifəsində
