Azərbaycanla MDB ölkələri arasında ticarət dövriyyəsi 12% artıb

Azərbaycanla MDB ölkələri arasında ticarət dövriyyəsi 12% artıb
12:17 25 İyul 2017
Ölkə mətbuatı
A- A+

Bakı. 25 iyul. REPORT.AZ/ Azərbaycanla MDB ölkələri arasında ticarət dövriyyəsi ötən ilin eyni dövrü ilə müqayisədə 12,23% artaraq 2017-ci ilin yanvar-iyun ayları ərzində 1 456,8 mln. ABŞ dolları təşkil edib.
"Report"un Dövlət Gömrük Komitəsinə istinadən verdiyi xəbərə görə, Azərbaycandan MDB ölkələrinə ixrac illik 49,93% artaraq 469,1 mln. dollara yüksəlib. Bu müddətdə idxalın həcmi 0,26% artaraq 987,7 mln. dollar olub. MDB ölkələrinin xüsusi çəkisi məcmu ixracda 8,90%, idxalda isə 28,97% təşkil edib.
Beləliklə, MDB ölkələri ilə ticarət dövriyyəsinin mənfi saldosu illik 23% azalaraq cari ilin birinci yarısında 518,5 mln. dollara düşüb.
MDB ölkələrinə ixracın 62%-i və ya 289,8 mln. dolları, idxalın isə 67%-i və ya 661,5 mln. dolları Rusiyanın payına düşüb. Rusiyaya ixrac həcmində ötən ilin müvafiq dövrü ilə müqayisədə 51,94% artım, idxalda isə 10,95% azalma müşahidə olunub.
Qeyd edək ki, hesabat dövründə Azərbaycan 171 ölkə ilə 8 678,4 mln. dollar həcmində ticarət əməliyyatı həyata keçirib.

Xəbərin orijinal ünvanı: https://report.az/biznes/azerbaycanla-mdb-olkeleri-arasinda-ticaret-dovriyyesi-12-artib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR