Azərbaycanda turistlərin valyuta dəyişməsində problemlər var?

Azərbaycanda turistlərin valyuta dəyişməsində problemlər var?
12:52 25 İyul 2017
78 Ölkə
Ölkə mətbuatı
A- A+

"Bu gün Azərbaycanda turistlərin valyuta dəyişməsi ilə bağlı heç bir problem yoxdur".

Milli.Az xəbər verir ki, bunu Trend-ə Azərbaycan Turizm Assosiasiyasının sədri Nahid Bağırov deyib.

Onun sözlərinə görə, bir müddət əvvəl turistlər, xüsusilə iranlı turistlər üçün belə bir problem var idi: "Lakin problem aradan qalxıb. Artıq turistlər üçün hotellərdə valyutadəyişmə terminalları quraşdırılıb".

N.Bağırov deyib ki, bu gün hotellər yalnız xidmət səviyyəsini qaldırmayıblar, həm də xidmətlərinin növlərini artırıblar: "Turistlərin çoxlu sualları olur. Onları hara səfər etməklə bağlı məlumatlar maraqlandırır. Artıq hotellərin qeydiyyat şöbələrində turistlərin məlumatlılıq səviyyəsini qaldırmaq üçün daha çox broşürlər qoyulur".

N.Bağırov hotellərdə yerləşən turistlər üçün turların təşkil olunması imkanlarının da artdığını söyləyib.

Hotellərin özlərinin ekskursiya proqramlarının olduğunu deyən N.Bağırov qeyd edib ki, bəzən müştəri başqa tur sifariş etmək istədikdə hotel nümayəndələri turizm şirkəti ilə əlaqə saxlayaraq, həmin turistlər üçün bu imkanları yaradırlar.

Milli.Az


Xəbərin orijinal ünvanı: https://news.milli.az/incedent/566443.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR