Bu gün Çempionlar Liqasında III təsnifat mərhələsinə start verəcək. Fanat.Az xəbər verir ki, turnirdə Azərbaycanı təmsil edən "Qarabağ" ilk oyunun evdə keçirəcək.
Ağdam təmsilçisi bu mərhələdə Moldovanın "Şerif" klubunu sınağa çəkəcək. Tofiq Bəhramov adına Respublika stadionunda keçiriləcək matç saat 21.00-da başlayacaq.Görüşü Belarusdan olan FIFA referisi Sergey Sinkeviç idarə edəcək.
"Qarabağ" II təsnifat mərhələsində Gürcüstanın “Samtredia” klubunu iki oyunun nəticəsinə görə 6:0 hesabı ilə yenib (5:0, 1:0). Təmsilçimiz "Şerif" səddini keçsə, Çempionlar Liqasının "pley-off" mərhələsinə vəsiqə qazanan ilk Azərbaycan klubu olmaqla yanaşı, ən azı Avropa Liqasının qrup mərhələsinə vəsiqəni təmin edəcək.
Çempionlar Liqası
III təsnifat mərhələsi
İlk oyun
25 iyul
21.00 Qarabağ (Azərbaycan) - Şerif (Moldova)
Hakimlər: Sergey Sinkeviç, Yevgeni Romanav, Vitali Malyutsin, Viktor Şimusik (Belarus).
UEFA nümayəndəsi: Kuanış Kanapyanov (Qazaxıstan).
Hakim-inspektor: İçko Lozev (Bolqarıstan).
Bakı. Tofiq Bəhramov adına Respublika stadionu.
Fanat.Az