Bakı. 25 iyul. REPORT.AZ/ Türkiyənin 2017-ci ilin III rübündə iqtisadi artımı 7%-dən yüksək olacaq.
"Report" "Bloomberg" agentliyinə istinadən xəbər verir ki, bu proqnozla Türkiyənin iqtisadiyyat naziri Nihat Zeybəkçi çıxış edib.
Nazir cari ilin yekununda isə 5,5%-dən yuxarı ÜDM artımı gözləntilərinin olduğunu qeyd edib.
"İxracın həcmində tarixi rekord əldə edəcəyik və ilin sonuna qədər hər rübdə ixracın iqtisadi artımda xüsusi çəkisi yüksələcək", - N.Zeybəkçi əlavə edib.
Xatırladaq ki, Türkiyə iqtisadiyyatı bu ilin ilk rübündə 5% artıb.