Bakı. 25 iyul. REPORT.AZ/ Yeniyetmələrin 14-cü Avropa Olimpiya Festivalında Azərbaycan komandası ilk medalını qazanıb.
Milli Olimpiya Komitəsinin mətbuat xidmətindən "Report"a verilən məlumata görə, festivalın üçüncü günündə Vüsalə Kərimova qızlar arasında cüdo idman növü üzrə 40 kq çəki dərəcəsində gümüş medala sahib olub.
Yığma komanda 41 idmançıdan ibarətdir ki,onlardan 10-u atletika, 3-ü tennis, 4-ü üzgüçülük, 4-ü gimnastika, 6-sı velosiped və 12-si cüdo, 2-si kanoe idman növlərində mübarizə aparacaq.
