İranın Atom Enerjisi Təşkilatının rəhbərinin müavini Behruz Kamalvandi Rusiyanın "Rosatom" dövlət korporasiyasının rəhbərliyi ilə danışıqlar aparıb.
Trend-in məlumatına görə, bu haqda IRNA informasiya agentliyi xəbər yayıb.
Məlumata görə, Moskvada keçirilən görüşdə ikitərəfli əməkdaşlığın müxtəlif aspektləri müzakirə olunub. Kamalvandi bildirib ki, "Buşer" AES-in 1 saylı enerji blokunun istismarına dair əməkdaşlıq və bu stansiyanın ikinci və üçüncü enerji bloklarının tikintisi proqramı məsələləri müzakirə edilib.
