Şimali Koreya gələn il ballistik nüvə raketinə sahib ola
bilər.
Publika.az xəbər verir ki, bu barədə Pentaqonun məxfi qrifli
hesabatında deyilir.
“Washington Post” nəşrinin məlumatına görə, Pentaqonun kəşfiyyat
birliyi olan “Defence İntelligency Agency” (DİA) daha öncə Şimali
Koreyanın ballistik nüvə raketinə 2020-ci ildə nail olacağını
açıqlamışdı.
Əldə olunan son məlumatlarda isə Pxenyanın “təəccüblü dərəcədə
texniki irəliləyişə nail olduğu” bildirilir.
DİA-nın hazırladığı son hesabatda Şimali Koreyanın 2018-ci ildə
ballistik nüvə raketlərinə nail olacağı deyilir.
Ekspertlərə görə, Şimali Koreya gələn il istədiyinə nail olarsa, bu
Koreya yarımadasında ciddi toqquşmalara səbəb ola bilər. Həmçinin,
ABŞ-ın Pxenyanın qarşısını almaq üçün ciddi tədbirlərə əl atacağı
gözlənilir.
Asif
