Goranboy. 26 iyul. REPORT.AZ/ Goranboy rayonunda baş vermiş avtomobil qəzasında 3 nəfər ağır xəsarət alıb.
"Report"un Qərb bürosunun məlumatına görə, hadisə axşam saatlarında rayonun Qərvənd-Qızılhaçılı yolunda baş verib.
İdarə etmədən çıxan avtomobil yol kənarına aşıb. Nəticədə 3 nəfər ağır xəsarət alıb. Yaralılar yaxınlıqdan keçən taksi tərəfindən xəstəxanaya aparılıb.
Hazırda həkimlər tərəfindən tibbi yardım göstərilir. Onların kimlikləri və hadisənin dəqiq səbəbləri araşdırılır.