Lənkəranda ölüm hadisəsi baş verib.
Publika.az report-a istinadən xəbər verir ki, rayonun Şovu kənd sakini Habil Sabir oğlu Zahidov dərman almaq üçün aptekə gəlib. Lakin lay şüşədən olan və üzərində heç bir işarəsi olmayan qapıya yaxınlaşıb, qapının açıq olduğunu zənn edərək içəri girmək istəyib. Bu zaman qapıda olan lay şüşə qırılıb və onun üstünə tökülüb. Nəticədə şüşə H.Zahidovun şah damarını kəsib və bədəninin müxtəlif nayihələrinə xəsarət yetirib.
Lənkəran Rayon Mərkəzi Xəstəxanasına çatdlırılan yaralı orada ölüb.
